Rhaglenni buddsoddi ffyniant bro a chymunedol Llywodraeth y DU

Bydd y Gronfa Ffyniant Bro yn weithredol tan Mawrth 2025 ac yn buddsoddi £4.8 biliwn ar draws y DU. 

Mae’r gronfa yn cyllido prosiectau cyfalaf mawr a bydd yn cefnogi: 

• adfywio canol trefi a’r stryd fawr (hyd at £20 miliwn)
• asedau diwylliannol a threftadaeth (hyd at £20 miliwn) 
• prosiectau trafnidiaeth leol (hyd at £50 miliwn) 

Dim ond awdurdodau lleol all gyflwyno cais i’r Gronfa

Gall ardaloedd cyflwyno un cais ar gyfer pob Etholaeth Seneddol o fewn eu ffiniau ac un cais trafnidiaeth leol.  Gall Cyngor Gwynedd felly gyflwyno hyd at dri chais. 

Cynhaliwyd rownd gyntaf y Gronfa Ffyniant Bro yn 2021.  Nid oedd unrhyw geisiadau o Wynedd yn llwyddiannus. 

Cyflwynodd Cyngor Gwynedd 3 cais i ail rownd Cronfa Ffyniant Bro mis Awst 2022. 

• Bywiogi Bangor – pecyn o gynlluniau yn cynnwys datblygiad Canolfan Iechyd a Lles, gwelliannau amgylcheddol i Bae Hirael, gwella cysylltedd oddi fewn i’r Ddinas a gwedd gyntaf o Ysgol Feddygol Gogledd Cymru. Cynllun yn cyplysu ymyraethau yn gysylltiedig a iechyd a lles tra yn adfywio canol y ddinas.    
• Coridor Gwyrdd Ardudwy - pecyn yn cynnwys adeiladu ffordd newydd i osgoi pentref Llanbedr, chreu mynediad newydd i’r maes awyr presennol yn ogystal â chyflwyno gwelliannau ehangach i’r ddarpariaeth cerdded a beicio, safleoedd bws a gwasanaeth gwefru ceir trydanol ar hyd coridor y A496 yn ardal Ardudwy
• Llewyrch o’r Llechi 2023 – Pecyn o gynlluniau ar draws 3 o gymunedau y dyffrynnoedd llechi Gwynedd sydd yn adnabod cyfleon i uchafu ar y buddion i’r gymuned leol a’r economi yn sgil dynodiad Safle Treftadaeth y Byd yn ôl yn 2021. Cynllun sydd yn cynnig cyfleoedd a datblygiadau sydd yn cyfrannu tuag at adfywio y cymunedau hyn. Pecyn penodol yn canolbwyntio ar gynlluniau yn Ogwen, Peris a Ffestiniog. 

Bu i Lywodraeth Prydain yn Ionawr gyhoeddi’r cynlluniau llwyddiannus ar gyfer ail rownd Cronfa Ffyniant Bro. Derbyniwyd cadarnhad fod Llewyrch o’r Llechi yn llwyddiannus gyda buddsoddiad o £18.8m drwy Gronfa Ffyniant Bro tuag at becyn cyflawn werth tua £27m.

Mwy o wybodaeth am y Gronfa Ffyniant Bro  

Bydd Cronfa Ffyniant Gyffredin y DG yn darparu £2.6 biliwn ar draws y DU erbyn Mawrth 2025.  Dyrannwyd £24.4 miliwn i Wynedd ar gyfer y cyfnod hyd at Mawrth 2025, gyda £4.2 miliwn o’r dyraniad wedi ei warchod ar gyfer codi lefelau rhifedd ymhlith oedolion - Lluosi.

Mae’r ffenestr ymgeisio bellach ar gau.

Mae Cyngor Gwynedd, gyda help partneriaid lleol, wedi dewis 39 prosiect o bob cwr o Wynedd i dderbyn arian yn uniongyrchol o ddyraniad y sir.

Mae 29 o’r prosiectau yn gweithredu yng Ngwynedd yn unig, a 10 prosiect yn gweithredu ar draws ardal ehangach. 

Mae’r dosbarthiad cynlluniau rhwng blaenoriaethau buddsoddi’r SPF fel a ganlyn: 

• Cymuned a Lle: £12.27 miliwn i 18 prosiect
• Cefnogi Busnes Lleol: £5.16 miliwn i 12 prosiect
• Pobl a Sgiliau: £4.53 miliwn i 9 prosiect (yn cynnwys £1.28 miliwn o arian Lluosi)

Mwy o wybodaeth am Cronfa Ffyniant Gyffredin: Gwynedd

Mae'r Gronfa Perchnogaeth Gymunedol (COF) ar gyfer cymunedau ledled y DU i'w helpu i gymryd perchnogaeth ar asedau sydd mewn perygl o gael eu cau. Bydd yn para tan fis Mawrth 2025.

Gall grwpiau cymunedol a gwirfoddol ymgeisio am arian i brynu a/neu adnewyddu asedau a chyfleusterau sydd i’w rhedeg er lles y gymuned leol.  

Dylai unrhyw grŵp sydd am ymgeisio am arian lenwi ffurflen Datganiad o Ddiddordeb yn y lle cyntaf, ac yna fe wahoddir y prosiectau sy’n pasio’r meini prawf i gyflwyno cais llawn.   

Rownd 4 yw rownd derfynol y Gronfa Perchnogaeth Gymunedol. Bydd dwy ffenestr ymgeisio yn Rownd 4 i ddyrannu gweddill yr arian.
Mae’r ffenestr ymgeisio gyntaf o Rownd 4 ar agor rhwng 25 Mawrth 2024 a 10 Ebrill 2024. Bydd yr ail ffenestr ymgeisio yn agor ddiwedd Mai.

Mwy o wybodaeth am y Gronfa Perchnogaeth Gymunedol a ffurflen Datganiad o Ddiddordeb 

Cymorth i ymgeisio

Yn 2021, darparodd Llywodraeth y DU £200 miliwn ar draws y DU fel mesur interim cyn cyhoeddi Cronfa Ffyniant Gyffredin y DU. 

Cyflwynwyd ceisiadau i Lywodraeth y DU trwy law Cyngor Gwynedd, yn dilyn galwad agored a phroses blaenoriaethu. 

Roedd naw cais o Wynedd yn llwyddiannus gan sicrhau £2.61 miliwn. Rhaid i bob prosiect fod wedi cwblhau cyn 31 Rhagfyr 2022. 

Gweld mwy o wybodaeth am brosiectau lleol 

ac

Mwy o wybodaeth am y Gronfa Adfywio Cymunedol