Llofft

Llwyddodd Llofft, yng nghanol Felinheli, yn eu cais am grant ARFOR, gan sicrhau £63,494.94 i gefnogi eu huchelgeisiau datblygu. Gydag ymrwymiad cryf i hyrwyddo'r iaith a'r diwylliant Cymraeg, mae'r busnes wedi tyfu'n raddol mewn poblogrwydd.

Mae'r cyllid wedi galluogi Llofft i wella ei wasanaethau a'i weithrediadau yn sylweddol. Gwnaed buddsoddiad allweddol mewn offer cegin, gan ganiatáu i'r caffi ehangu ei gynnig bwyd a diod, gan gynyddu capasiti yn y pen draw a hybu refeniw.

Yn ogystal, buddsoddodd Llofft mewn system rheoli busnes gynhwysfawr i symleiddio gweithrediadau, gan gynnwys rheoli archebion am fyrddau, rheoli stoc, a rotas staff, rhyddhau amser a gwella effeithlonrwydd yn fawr.

Roedd y grant hefyd yn hwyluso recriwtio aelod staff ymroddedig sy'n gyfrifol am hyrwyddo digidol, gan helpu i gynyddu gwelededd Llofft ar draws cyfryngau cymdeithasol a llwyfannau ar-lein.

Mae'r rôl hon wedi bod yn hanfodol wrth ddenu cwsmeriaid newydd a hyrwyddo'r Gymraeg drwy gynnwys deniadol. Gyda chefnogaeth grant ARFOR, mae Llofft nid yn unig wedi cryfhau ei weithrediadau busnes ond hefyd wedi ailddatgan ei ymrwymiad i hyrwyddo diwylliant Cymru gan gadarnhau ei rôl yn y gymuned.