Cadeirydd Cyngor Gwynedd 2024/25

Y Cynghorydd Beca Roberts, Cadeirydd Cyngor Gwynedd a’r Cynghorydd Ioan Thomas, Is Gadeirydd Cyngor Gwynedd

Yng nghyfarfod blynyddol Cyngor Gwynedd ar 9 Mai, etholwyd Y Cynghorydd Beca Roberts (Tregarth a Mynydd Llandygai)  yn Gadeirydd Cyngor Gwynedd a'r Cynghorydd Ioan Thomas (Menai, Caernarfon) yn Is-Gadeirydd.

Yn Gynghorydd Gwynedd ers 2022 mae’r Cynghorydd Beca Roberts wedi gwasanaethu ar sawl gwahanol bwyllgor yn ystod y cyfnod hwn.

Wrth gael ei hethol yn Gadeirydd Cyngor Gwynedd, dywedodd y Cynghorydd Beca Roberts:

“Rwy’n edrych ymlaen yn fawr i’r flwyddyn sydd i ddod, a byddaf yn gwneud fy ngorau i wasanaethu a hybu gwaith y Cyngor a holl drigolion Gwynedd. Mae hi’n fraint ac anrhydedd cael fy ethol yn Gadeirydd Cyngor Gwynedd.”