Cyngor Gwynedd i gynnig parcio Nadolig am ddim

Bydd Cyngor Gwynedd yn cynnig parcio am ddim yn ei holl feysydd parcio o 11am bob diwrnod o 14 tan 27 Rhagfyr 2024.

 

Meddai’r Cynghorydd Craig ab Iago, Aelod Cabinet Amgylchedd Cyngor Gwynedd:

 

“Yn ysbryd y Nadolig, mae'r Cyngor am gynnig parcio am ddim yn ein meysydd parcio o 11am bob dydd o 14 tan 27 Rhagfyr.

 

“Rydym yn gobeithio y bydd trigolion Gwynedd a thu hwnt yn cymryd mantais o’r cynnig yma gan gefnogi’r amrywiaeth o fusnesau gwych sydd gan ein sir i’w gynnig.”

 

Mae gwybodaeth am yr amrywiaeth o gynnyrch a danteithion sydd ar gael o lawer iawn o fusnesau Gwynedd i’w gweld yma: www.visitsnowdonia.info/cy/siopau-cynnyrch-lleol

 

Ymgyrch ym meysydd parcio cyhoeddus talu ac arddangos Cyngor Gwynedd ydi hwn a bydd ffioedd yn ail-gychwyn o 28 Rhagfyr. Bydd arwydd ar bob peiriant talu ac arddangos ym meysydd parcio cyhoeddus y Cyngor, felly os nad oes nodyn i’w weld, dylech wirio os ydi o’n faes parcio’r Cyngor.

 

Mae lleoliad holl feysydd parcio Cyngor Gwynedd ar gael ar-lein: www.gwynedd.llyw.cymru/parcio

 

NODYN:

Dylai unrhyw un sy’n parcio mewn maes parcio preifat neu sy’n eiddo i gorff arall wirio’r trefniadau yn ofalus cyn parcio gan ei bod yn bosib na fydd parcio am ddim ar gael yno.