Arolwg Gwynedd 2025

Mae Cyngor Gwynedd yn awyddus i glywed barn y cyhoedd am yr hyn sy’n bwysig i drigolion a chymunedau’r sir. 

Mae Arolwg Gwynedd ar agor am gyfnod o chwe wythnos, ac yn gyfle i bobl leol ddweud eu dweud ar yr ystod o wasanaethau sy’n cael eu darparu gan y Cyngor – o drafnidiaeth, i dai, i gasgliadau gwastraff a mwy. 

Drwy gynnal yr ymarferiad hwn, bwriad Cyngor Gwynedd yw cael gwell dealltwriaeth am: 

• Yr hyn sy’n bwysig i drigolion Gwynedd 
• Sut le ydi Gwynedd i fyw a phrofiad pobl o’r ardal leol
• Sut mae trigolion yn teimlo am y Cyngor ac yn rhyngweithio â’r Cyngor. 

Sut rydw i’n gallu rhoi fy marn?  

Rhoi eich barn - Arolwg Gwynedd 2025 

• Lawrlwythwch gopi hawdd ei ddeall o'r holiadur yma.
• Mae copïau papur ar gael yn y dair Siop Gwynedd (Caernarfon, Pwllheli a Dolgellau) ac ym mhob llyfrgell yn y sir. Lawrlwythwch gopi papur yma. 
• Bydd swyddogion y Cyngor yn cynnal sesiynau galw-heibio ble bydd modd llenwi’r holiadur yn y fan a’r lle, cadwch lygaid am fanylion ar gyfryngau cymdeithasol y Cyngor. 
• I ofyn am gopi papur drwy’r post, cysylltwch â 01286 679266 neu 01286 679233. 

Bydd yr arolwg ar agor rhwng 10 Chwefror a 24 Mawrth, 2025.  

Mae Cyngor Gwynedd yn cydweithio â Chymdeithas Llywodraeth Leol Cymru a Data Cymru sydd wedi datblygu’r arolwg cenedlaethol hwn.