Ymgynghoriad Polisi Codi Tâl am Ofal
Mae bwriad diweddaru polisi codi tâl am ofal Cyngor Gwynedd er mwyn sicrhau fod y polisi yn parhau i gyd fynd â gofynion y Ddeddf Gwasanaethau Cymdeithasol a Llesiant (Cymru) 2014, sy’n mynnu nad yw unrhyw un talu mwy nag y gallant fforddio’n rhesymol. Mae gofyn ar y Cyngor i adolygu ei ffioedd yn amserol er mwyn sicrhau fod y ffioedd sy’n cael eu codi yn adlewyrchu’r costau gwirioneddol o ddarparu gwasanaethau.
Beth sy'n cael ei ystyried?
Er mwyn sicrhau cyllideb gytbwys a chynaliadwy i'r dyfodol, un ystyriaeth fydd i ychwanegu’r hawl i'r Cyngor godi am wasanaethau penodol sydd wedi bod am ddim yn hanesyddol (er enghraifft gwasanaethau dydd).
Mae’n bwysig nodi fod Llywodraeth Cymru yn gosod uchafswm ar yr hyn y gall gynghorau ei godi fel ffioedd am ofal. Ni fydd unrhyw unigolyn yn talu mwy na £100 yr wythnos am eu gofal di-breswyl (Unrhyw ofal sydd ddim yn cael ei ddarparu mewn cartref preswyl neu nyrsio cofrestredig).
Bydd gan pob unigolyn hefyd yr hawl i asesiad ariannol er mwyn pennu eu cyfraniad yn unol a’u sefyllfa ariannol. Yr egwyddor ydi na fydd neb yn cyfrannu yn ariannol tuag at eu gofal os na eu bod wedi cael eu asesu i allu fforddio cyfrannu.
Rhoi eich barn
Rydym yn awyddus i gael eich barn ar rai o’r agweddau o fewn y polisi codi tâl am ofal.
Ymgynghoriad - Polisi Codi Tâl am Ofal
Gofynnwn i chi gyflwyno eich ymateb erbyn 13 Rhagfyr 2024.
Os na allwch roi eich barn ar-lein, gallwch gael copi papur o'r holiadur:
Beth fydd yn digwydd wedyn?
Bydd canlyniadau yr ymgynghoriad yn bwydo mewn i argymhellion o addasiadau i'r polisi fydd yn mynd gerbron cabinet y Cyngor yn fuan yn 2025.