Celfyddydau Cymunedol

Mae Uned Celfyddydau Cymunedol Gwynedd yn cynnal cyfres o gynlluniau blynyddol sy’n cefnogi pobl gael mynediad at, mwynhau a phrofi’r celfyddydau, a hynny er lles unigolion, cymdeithas, yr economi a chymuned.

Bob blwyddyn mae Uned Celfyddydau Cymunedol Gwynedd yn cynnal rhaglen o wahanol weithgareddau a phrosiectau ar draws y sir. O weithdai i arddangosfeydd, cyrsiau i grantiau a gwyliau i gynlluniau creadigol, rydym am i bawb fwynhau'r celfyddydau.

Mae grantiau ar gael i gefnogi gweithgarwch celfyddydol. Gallwn hefyd gefnogi perfformiadau proffesiynol yn y gymuned drwy raglen Noson Allan a Noson Allan Fach, mewn partneriaeth â Chyngor Celfyddydau Cymru. 

Mwy o fanylion am gronfeydd ariannol

 

Cronfa Celfyddydau Cymunedol Gwynedd!

Cronfa i gefnogi grwpiau cymunedol a gwirfoddol i gynnal gweithgareddau celfyddyd gymunedol yng Ngwynedd. Grantiau hyd at £500 ar gael.

Dyddiad cau nesaf 28 Mawrth 2025.

Mae'r gronfa hon ar agor bedair gwaith y flwyddyn gyda'r dyddiadau cau canlynol:

  • 28 Mawrth 2025
  • 27 Mehefin 2025
  • 26 Medi 2025
  • 9 Ionawr 2026

Mwy o wybodaeth a lawrlwytho ffurflen gais

Cysylltwch am gyngor a gwybodaeth bellach celf@gwynedd.llyw.cymru

 

Llyfr Lloffion Gaeaf 2024 Celfyddydau Cymunedol Gwynedd

Croeso i Llyfr Lloffion arall gan Gelfyddydau Cymunedol Gwynedd. 

Mae Celfyddydau Cymunedol Gwynedd yn rhedeg cyfres o gynlluniau blynyddol sy'n cefnogi pobl Gwynedd i fwynhau ac i brofi'r celfyddydau - er budd unigolion, y gymdeithas, yr economi a'r gymuned. ⁠Bob blwyddyn, mae Celfyddydau Cymunedol Gwynedd yn rhedeg rhaglen o weithgareddau a phrosiectau gwahanol ledled y sir. O weithdai i arddangosfeydd, cyrsiau i grantiau a gwyliau i gynlluniau creadigol, rydym am i bawb fwynhau'r celfyddydau. ⁠ ⁠ 

Rydym yn gobeithio y byddwch yn mwynhau'r ciplun hwn o'r gwaith yr ydym yn ei wneud. Gallwch ddarllen y llyfr lloffion trwy'r ddolen isod

E-bostiwch ni ar celf@gwynedd.llyw.cymru

Llyfr Lloffion Gaeaf 2024

 

Arddangosfa newydd Oriel Ysbyty Gwynedd - Staff Ysbyty Gwynedd a BIPBC

O 6 Mawrth 2025, wrth i chi fynd i brif fynedfa Ysbyty Gwynedd, byddwch yn gallu gweld cyfres o weithiau celf ar y waliau ac yn y cypyrddau gwydr, sydd i gyd wedi'u creu gan staff y GIG ar gyfer arddangosfa newydd sy'n dathlu gwerth y celfyddydau a chreadigrwydd.⁠ ⁠

Ers 2011, mae Celfyddydau Cymunedol Gwynedd, mewn cydweithrediad â Ffynnon Greadigol (Celfyddydau mewn Iechyd BIPBC), wedi darparu llwyfan i artistiaid lleol a grwpiau cymunedol arddangos eu gwaith yng nghyntedd Ysbyty Gwynedd gyda chyfres o arddangosfeydd treigl yn cael eu mwynhau gan ymwelwyr, cleifion a staff.

Yn y cyntaf o'i math ar gyfer Oriel Ysbyty Gwynedd, mae'r arddangosfa hynod arbennig hon o waith celf yn dathlu creadigrwydd anhygoel staff y GIG trwy amrywiaeth o ffurfiau celf gan gynnwys ffotograffiaeth, paentio, celfyddydau digidol, pensiliau, pasteli, cerfio a chlai. Mae pob gwaith celf yn unigryw ac maent yn ymdrin ag amrywiaeth o bynciau gydag ysbrydoliaeth yn dod o fyd natur, anifeiliaid, tirweddau, siâp, lliw, yn ogystal â'n cymunedau a'n diwylliant. Mae'r gwaith celf yn cael ei wneud gan staff o ystod o dimau a gwasanaethau, gan gynnwys: Ystum a Symudedd, Wroleg, Arlwyo, Pediatreg, Porthorion, Iechyd y Cyhoedd, Niwroffisioleg, Cofnodion Iechyd, a Gofal i'r Henoed ac mae'n cynnwys staff o ystod o alwedigaethau sydd i gyd yn rhan o dîm BIPBC sy'n darparu gofal iechyd i'n cleifion a'n cymunedau yng Ngogledd Cymru.

Bydd y gwaith celf yn cael ei arddangos rhwng mis Mawrth a mis Mai 2025 a gellir dod o hyd iddo wrth Brif Fynedfa Ysbyty Gwynedd. 

 

Stiwdio Lles

Eisiau dod i nabod pobl newydd? Eisiau adeiladu hyder? Eisiau rhoi cynnig ar rywbeth creadigol?

Mae’r Stiwdio Lles yn cynnig gofod croesawgar i oedolion ifanc rhwng 18-30 oed gymryd rhan mewn sesiynau creadigol efo cerddorion, artistiaid, ‘sgwennwyr a pherfformwyr i helpu ti ddelio efo gorbryder, diffyg hyder, anhawster cymdeithasu ac / neu unigrwydd.

Mae’r sesiynau yn anffurfiol ac am ddim ac yn digwydd yng nghartref Frân Wen yn Nyth, Ffordd Garth, Bangor.

Maen nhw’n sesiynau galw-heibio sy’n ddwy awr o hyd, ac mae croeso i chi fynychu un neu ddau sesiwn, neu bob un.

Bydd yr holl sesiynau yn cael eu hwyluso gan yr artistiaid proffesiynol canlynol: Casi Wyn, Mirain Fflur, Robin Edwards, Mari Gwent ac Elgan Rhys. 

Pa bryd mae’n digwydd?

  • 19/03/25 - Dydd Mercher 16:00-18:00 gyda Elgan
  • 26/03/25 - Dydd Mercher 16:00-18:00 gyda Mirain
  • 02/04/25 - Dydd Mercher 16:00-18:00 gydah Mirain
  • 09/04/25 - Dydd Mercher 16:00-18:00 gyda Casi
  • 16/04/25 - Dydd Mercher 16:00-18:00 gyda Mari
  • 23/04/25 - Dydd Mercher 16:00-18:00 gyda Casi
  • 30/04/25 - Dydd Mercher 16:00-18:00 gyda Robin
  • 07/05/25 - Dydd Mercher 16:00-18:00 gyda Elgan
  • 14/05/25 - Dydd Mercher 16:00-18:00 gyda Robin
  • 21/05/25 - Dydd Mercher 16:00-18:00 gyda Mari

Mwy o fanylion am Stiwdio Lles

 

Mwy o wybodaeth...

Am newyddion, cyfleoedd, digwyddiadau, manylion artistiaid a mudiadau celfyddydol Gwynedd ymwelwch â Gwynedd Greadigol, neu dilynwch ni ar Instagram a Facebook. 

 

Cysylltu â ni

Cysylltwch â’r Swyddog Datblygu Celfyddydau Cymunedol ar:
Y Ffôn: 07765 652742
Instagram: @celfgwyneddarts