Telerau ac Amodau - Tocyn Parcio Ymwelwyr

Rhaid i’r ymgeisydd am Drwydded Parcio Ymwelwyr fod yn byw yn un o’r cyfeiriadau sydd wedi eu rhestru ar Trwydded Parcio Trigolion
I gadarnhau bod yr ymgeisydd am Drwydded Parcio Ymwelwyr yn byw yn y cyfeiriad sydd wedi ei nodi ar y ffurflen byddwn yn gwirio’r wybodaeth yn erbyn y gofrestr etholwyr lawn. Efallai y byddwn yn gofyn am dystiolaeth ychwanegol os nad ydi’r enw / cyfeiriad yn cyd-fynd â’r wybodaeth yr ydym ni yn ei ddal.
Mae Trwyddedau Parcio Ymwelwyr yn cael eu gwerthu mewn llyfr o 10.
Mae’n bosib prynu hyd at 5 llyfr ar y tro.
Bydd pob trwydded yn ddilys am 24 awr yn unig.
Dim ond os bydd y drwydded wedi’i chwblhau’n gywir y bydd yn ddilys.
Rhaid arddangos y drwydded ar ffenestr flaen y cerbyd, gan sicrhau bod yr holl wybodaeth yn weladwy o’r tu allan. Mae peidio ag arddangos y drwydded yn drosedd ac efallai y byddwch yn derbyn Rhybudd Tâl Cosb.
Dim ond o fewn yr ardal a nodir ar y tocyn y mae’r drwydded yn caniatáu i chi barcio a rhaid i bob cerbyd cael ei barcio yn gyfochrog ag ochr y ffordd.
Nid yw’r drwydded yn gwarantu y bydd lle parcio ar gael i chi, nac yn rhoi hawl agored i le parcio.
Ni ddylai’r cerbyd fod yn fwy na 5.25m o hyd. Mae angen esgusodeb parcio i barcio cerbydau mwy o fewn yr ardal gyfyngedig.
Ni fydd gan y Cyngor unrhyw atebolrwydd pe byddai unrhyw gerbyd neu’i offer yn cael ei ladrata neu ddifrodi mewn lle parcio.
Gall swyddogion yr heddlu neu swyddogion gydag awdurdod y Cyngor ddiddymu hawl i ddefnyddio mannau parcio.
Gall unrhyw wybodaeth ffug neu anghywir annilysu Trwydded parcio Ymwelwyr.
Yn unol â’r Rheoliadau Gwerthu Pellter mae gennych saith diwrnod gwaith o dderbyn y telerau ac amodau i ganslo’r archeb. Bydd rhaid dychwelyd y tocyn parcio cyn y bydd ad-daliad yn cael ei roi. Ar ôl saith diwrnod gwaith, ni roddir ad-daliad.