Pwyntiau gwefru ceir trydan

Mae’r Cyngor yn datblygu rhwydwaith o dros gant o bwyntiau gwefru ar gyfer cerbydau trydan ar draws Gwynedd. 

Mae mannau gwefru yn weithredol yn y lleoliadau canlynol (trwy ddefnydd ap yn unig ar hyn o bryd):

  • Intec ar Barc Menai, Bangor, LL57 4FG (4 peiriant 7kW)
  • Canolfan Byw’n Iach Penllyn, Y Bala, LL23 7YE (4 peiriant 7kW)
  • Canolfan Byw’n Iach Glan Wnion, Dolgellau, LL40 1LH (4 peiriant 7kW)
  • Canolfan Byw’n Iach Dwyfor, Pwllheli, LL53 5PF (4 peiriant 7kW)
  • Maes Parcio Bron y Graig Uchaf, Harlech, LL46 2SR (4 peiriant 7kW)
  • Maes Parcio Penmount, Pwllheli, LL53 5HU (4 peiriant 7kW)
  • Canolfan Byw’n Iach, Caernarfon, LL55 1DU (2 beiriant 7kW; 1 peiriant 22kW; 1 peiriant 50kW)
  • Canolfan Byw’n Iach Plas Ffrancon, Bethesda, LL57 3DT ( 1 Peiriant 22kW, 1 Peiriant 50kW)
  • Prif Faes Parcio, Aberdyfi, LL35 0EE (4 peiriant 7kW)
  • Canolfan Byw’n Iach Bro Dysynni, Tywyn, LL36 9AE (4 peiriant 7kW)

 

Yn ogystal, mae pwyntiau gwefru hefyd yn weithredol trwy gydweithrediad gyda Thrafnidiaeth Cymru ar safleoedd y Cyngor ym:

  • Maes Parcio’r Grîn, Y Bala, LL23 7NG (1 peiriant, 22kW; 1 peiriant 50kW);
  • Maes Parcio ger Canolfan Hamdden Glaslyn, Porthmadog, LL49 9NU (2 beiriant 22kW, 2 beiriant 50kW);
  • Maes Parcio Diffwys, Blaenau Ffestiniog, LL41 3ES (2 beiriant 22kW, 2 beiriant 50kW);
  • Maes Parcio’r Marian, Dolgellau, LL40 1DL (2 beiriant 22kW, 2 beiriant 50kW).

 

Mae gwaith hefyd yn digwydd i osod rhagor o fannau gwefru mewn lleoliadau yn ardaloedd  Abermaw, Bangor, Blaenau Ffestiniog, Caernarfon, Dolgellau, Llanberis, Penygroes, a Phwllheli dros y misoedd nesaf.

Mae yna amrywiaeth o fathau pwyntiau gwefru yn cael eu darparu – 7kW (4awr*), 22kW (2 - 3awr*), 50kW (40 munud*), 150kW (15 munud*). Mae manylion am leoliadau pwyntiau gwefru cerbydau trydan yng Ngwynedd a phrisiau defnyddio’r peiriannau ar gael ar wefan ZapMap (gwefan allanol)

*Amcan amser gwefru i deithio 100 milltir

 

Cyfarwyddiadau Gwefru Cyhoeddus

  • Cofrestrwch ar yr ap Evolt ac ychwanegwch eich manylion talu o flaen llaw - mae’n haws paratoi hwn ymlaen llaw a dim ond unwaith y mae angen ei wneud. 
  • Ar ôl parcio, trowch y car i ffwrdd ac agorwch yr caead gwefru. Plygiwch eich cebl yn y car.  
  • Agorwch yr ap Evolt Network.  
  • Ewch i'r map a chliciwch y Lleoliad Chwilio neu CPID a byddwch yn cael yr opsiwn i ychwanegu cod post neu rif ID gwefrydd - bydd gan y gwefrydd o’ch blaen rif ID unigryw ei hun - fel arfer yn dechrau gyda ‘SEC’.  
  • Heb ddefnyddio bylchau neu atalnod, teipiwch y rhif a dylai manylion yr uned lenwi i chi. Byddwch yn gweld manylion am yr orsaf/tariff a byddwch hefyd yn gweld y cysylltwyr (sockets) a restrir gyda botwm ‘Ar Gael’ neu ‘Mewn Defnydd’ wrth eu hymyl - cliciwch ar yr un cywir i chi ac yna cadarnhewch ‘Cychwyn Gwefru’.  
  • Bydd yr ap yn cysylltu â'r pwynt gwefru a bydd neges yn dweud wrthych chi i gysylltu'ch cebl. Plygiwch i mewn i'r uned wefru ac yna clowch eich car. Dylai'r golau gwefru ar yr uned droi'n wyrdd a dylech weld golau wrth y soced gwefru ar eich car.  
  • Tra bod y car yn gwefru, cadwch yr ap ar agor yn y cefndir i sicrhau fod y gwefru yn gyson.  
  • Pan fyddwch chi'n barod i ddatgysylltu dewiswch ‘Stopio Gwefru’ ar yr ap. Arhoswch i'r goleuadau newid i las ar y gwefrydd, ac yna datgysylltwch y cwbl o’r cysylltydd yn gyntaf ac yna car. 

  • Rhaid eich bod wedi cofrestru gydag Evolt ar gyfer RFID i ddefnyddio'r dull hwn. Cofrestrwch yma (Nodwch fod y tudalen dim ond ar gael yn Saesneg).
  • Trowch eich car i ffwrdd ac agorwch y caead gwefru. Plygiwch eich cebl yn eich car.
  • Pwyswch RFID fel dull adnabod. 
  • Sganiwch eich cerdyn RFID dros y darllenydd â’r symbol
  • Bydd y sgrin yn dweud eich bod eich cerdyn wedi awdurdodi 
  • Dewiswch eich cysylltydd (socket) 
  • Pan yn barod, bydd eich cysylltydd yn fflachio’n las.  
  • Cysylltwch eich cebl gwefru, mi fydd y sgrin yn gofyn ‘Cychwyn gwefru’. 
  • Dewiswch ‘cychwyn’. Dylai'r golau gwefru ar yr uned droi'n wyrdd.  
  • Pan fyddwch eisiau gorffen gwefru, pwyswch ‘Stopio gwefru’ a tapiwch eich cerdyn RFID yn erbyn y darllenydd a phwyswch ‘stop’.  

Gwelwch isod fideo yn dangos sut i ddefnyddio gwefrydd SWARCO yn defnyddio cerdyn RFID:

Gweld fideo (Nodwch fod y fideo dim ond ar gael yn Saesneg)

  • Trowch eich car i ffwrdd ac agorwch y caead gwefru. Plygiwch eich cebl yn eich car. 
  • Pwyswch cerdyn banc fel dull adnabod. 
  • Pwyswch ‘Cychwyn gwefru’. 
  • Dilynwch y cyfarwyddiadau ar y darllenydd cerdyn banc. Tapiwch eich cerdyn yn erbyn y darllenydd contactless. Bydd y darllenydd yn awdurdodi  £30 o’r cerdyn (fel mae nhw mewn pympiau petrol mewn garej, ac byddwch yn talu yn ôl eich defnydd trydan ar ddiwedd y sesiwn). 
  • Dewiswch eich cysylltydd. Bydd eich cysylltydd yn fflachio’n las. Cysylltwch eich  cebl gwefru.
  • Pwyswch ‘cychwyn gwefru’. Dylai'r golau gwefru ar yr uned droi'n wyrdd. 
  • Pan fyddwch eisiau gorffen gwefru, pwyswch ‘Stopio gwefru’ ar y sgrin. Dewiswch ‘contactless’ fel dull adnabod a tapiwch yr un cerdyn banc ar y darllenydd. Mae hwn yn bwysig iawn defnyddio yr un cerdyn a ddefnyddiwyd i gychwyn gwefru.

Gwelwch isod fideo yn dangos sut i ddefnyddio gwefrydd SWARCO yn defnyddio cerdyn banc 'contactless':

Gweld fideo (Nodwch fod y fideo dim ond ar gael yn Saesneg)

  • Trowch eich car i ffwrdd ac agorwch y caead gwefru. Plygiwch eich cebl yn eich car.  
  • I ddefnyddio Webpay, dilynwch y linc yma ar eich ffôn, rhowch rif y pwynt gwefru, dewiswch y math o gysylltydd a bydd yr dudalen wedyn yn gofyn ichi am fanylion talu.  
  • Unwaith y byddwch wedi ychwanegu hwn bydd yn cysylltu gyda’r pwynt gwefru a bydd neges yn dweud wrthych chi i gysylltu'ch cebl. Plygiwch i fewn i'r uned wefru ac yna clowch eich car. Dylai'r golau gwefru ar yr uned droi'n wyrdd a dylech weld golau wrth y soced gwefru ar eich car. 

Gwelwch isod fideo yn dangos sut i ddefnyddio gwefrydd SWARCO yn defnyddio Webpay:

Gweld y fideo (Nodwch fod y fideo dim ond ar gael yn Saesneg)

 

Mwy o wybodaeth