Digartrefedd

Mewn argyfwng – dwi’n ddigartref ar hyn o bryd

Os ydych yn ddigartref / cysgu allan ar hyn o bryd, neu os ydych yn poeni am rywun arall, cysylltwch â ni:

Gallwn asesu eich anghenion a thrafod y gefnogaeth sydd ar gael.

Mae digartrefedd yn golygu mwy na 'chysgu allan' yn unig. Mae’n gallu golygu:

bod gennych chi ddim cartref lle gallwch fyw gyda’ch teulu agos, neu gydag unrhyw berson y gellid yn rhesymol ddisgwyl iddyn nhw fyw gyda chi – er enghraifft, gofalwr llawn amser.
bod eich cartref yn un dros dro.
bod gennych chi ddim caniatâd i fyw lle rydych chi.
eich bod chi wedi cael eich cloi allan.
eich bod chi ddim yn gallu byw yn eich cartref oherwydd trais neu gamdriniaeth.
bod hi ddim yn rhesymol i chi aros yn eich cartref am unrhyw reswm (er enghraifft, os yw’r cartref mewn cyflwr gwael iawn).
eich bod chi ddim yn gallu fforddio aros lle rydych chi.
eich bod chi’n byw mewn cartref symudol, carafán neu gwch a bod gennych chi ddim lle i’w roi.

Gallwch hefyd gysylltu â ni am gyngor a chefnogaeth os yw'n debygol y byddwch yn ddigartref yn yr 8 wythnos nesaf (56 diwrnod).

Dwi mewn perygl o fod yn ddigartref

Os ydych yn poeni am gael eich gwneud yn ddigartref, cysylltwch â thîm Opsiynau Tai Cyngor Gwynedd cyn gynted â phosib:

Mae sawl rheswm all olygu bod pobl mewn perygl o fod yn ddigartref:

Gallwn gynnig cefnogaeth a chyngor ar yr opsiynau sydd ar gael er mwyn gwneud yn siŵr na fyddwch y mynd yn ddigartref.

Os oes gennych chi eiddo cymdeithasol ac yn poeni am golli eich gartref, cysylltwch â’r gymdeithas dai perthnasol:    

Cyngor ar Bopeth: Cyngor cyfrinachol ac annibynnol am ddim ar ystod eang o faterion sy’n ymwneud â digartrefedd.
Shelter Cymru: Mae Shelter Cymru yn darparu gwasanaethau cyngor a chymorth annibynnol ledled Gwynedd, i denantiaid a pherchnogion tai sydd dan fygythiad o ddigartrefedd.